Krakkajóga kennaranám
Skapandi helgarnámskeið í jóga fyrir börn, með Gurudass Kaur. Þú lærir leiki, æfingar, líkamsstöður og hugleiðslur sem skapa traust, auka næmi og styrkja leikgleði, hvort sem þú vinnur með börnum eða vilt vekja barnið innra með þér.
„Childplay“ með Gurudass Kaur
Fyrir kennara, leikskólakennara, jógakennara, foreldra og alla sem vilja leika sér.
- Hvenær: Næsta námskeið auglýst síðar
- Hvar: Jógasetrið í Reykjavík
- Verð: 55.000 kr.
- Kennari: Gurudass Kaur
Leikur, gleði og jóga
Á námskeiðinu eru kenndar ýmsar skapandi aðferðir út frá jóga fyrir börn, unglinga og einnig þau fullorðnu sem vilja vekja leik barnsins innra með sér. Kenndar eru uppbyggjandi aðferðir sem skapa traust, auka næmi, styrkja samskiptahæfileika og leikgleði.
Stórskemmtilegt námskeið sem allir hafa verið himinlifandi með, og margir hafa beðið eftir því næsta.
Þú munt læra
- Fjöldann allan af skapandi leikjum, æfingum, líkamsstöðum og hugleiðslum.
- Að hvetja og örva börnin til þátttöku, halda athygli þeirra og áhuga og hafa frábæra skemmtun af því öllu.
- Að skapa andrúmsloft fyllt af gleði og viðurkenningu þar sem börnin uppgötva og hvíla í sínu eigin jafnvægi.
- Af reyndum kennara sem veit hvað virkar og hvað ekki.
Dagskrá
Föstudagur kl. 18:00 – 21:00
Laugardagur kl. 9:00 – 19:00
Sunnudagur kl. 9:00 – 18:00
Vinsamlegast mætið tímanlega, um kl. 17:45. Við byrjum stundvíslega kl. 18:00.
Komdu með
Stílabók, skriffæri, jógadýnu, teppi, vatnsflösku og nóg af nesti. Þetta eru langir dagar.
Verð: 55.000 kr.
- Innifalið: veglegt námshefti og hlekkur á tónlist og myndbandsefni
- 10% afsláttur ef tveir eða fleiri koma úr sama skóla eða leikskóla
- Stéttarfélög styrkja námskeiðið
- Skráning: jogasetrid@jogasetrid.is
Gurudass Kaur
Kennari og höfundur námskeiðsins er hin fjölhæfa og lífsglaða Gurudass. Hún hefur kennt jóga og unnið með börnum í meira en 30 ár, er með BA í Education frá University of Massachusetts og er einnig Montessori kennari.
Hún er hæfileikarík tónlistar- og söngkona og hefur gefið út fjölda diska með möntrum og tónlist. Gurudass hefur verið gestakennari í Jógasetrinu frá 2010, margoft með þetta frábæra „Childplay“ námskeið en einnig kennaranám í Kundalini jóga.
Heimasíða Gurudass: childplayyoga.com
Dísa
Child play með Gurudass var frábært námskeið og mikil hugljómun, bæði fyrir mig sem kennara og móður og minnti mig á hvað það er mikilvægt að leika sér. Fyrir mig var þetta líka ákveðin heilun á barninu í mér.
Edda
Það var einstök reynsla að taka þátt í krakkajóganámskeiði Gurudass. Þetta var hands on námskeið þar sem Gurudass deildi óteljandi verkefnum úr reynslu og verkefnabanka sínum. Ég er grunnskólakennari og gat strax nýtt fullt af leikjunum hennar og æfingum í hefðbundna kennslu. Ég fékk ekki síður innblástur um hvernig gott væri að nálgast nemendur mína upp á nýtt. Ég mæli heilshugar með þessu námskeiði því það var bæði gagnlegt og endurnærandi ❤️
Jóhanna G. Jóhannesdóttir, hönnuður í Kaupmannahöfn
Gurudass Kaur er algjör gleði- og orkubomba sem kann að láta fullorðna fólkið leika sér og gleyma líkamlegum aldri um stund. Ég mæli eindregið með þessu námskeiði, þó ekki sé nema bara til að finna innri leikgleði hins innra barns.
Aðalheiður Jensen, leikskólakennari og Rope Yoga kennari
Ég ákvað að skella mér á krakkajóganámskeiðið fyrir ári síðan og sé sko ekki eftir því. Ég er leikskólakennari og yogakennari og hef haft mikinn áhuga á því að tengja þetta tvennt saman og sá þarna tækifæri til þess. Á þessu námskeiði öðlaðist ég bæði þekkingu á því hvernig hægt er að nálgast yoga með börnum og ekki síður fannst mér þetta góð reynsla fyrir mig persónulega. Ég upplifði ákveðið frelsi frá samanburði og dómum, fann hvernig ég braust enn lengra úr skelinni og naut þess að vera ég. Þá fannst mér ég enn betur undir það búin að breiða þennan boðskap út til barnanna og leyfa þeim að njóta! Gurudass smitar alla með sinni tæru lífsgleði og er frábær kennari!