Jógakennaranámið í Jógasetrinu var umbreytandi ferðalag fyrir mig og það besta við ferðalagið var að koma heim. Heim til mín í mitt sanna sjálf og læra að rækta sjálfið. Námið færði mér magnaða visku, vinkonur og verkfæri fyrir lífið. Ég er hjartanlega þakklát fyrir að hafa kynnst öllum þessum dýrmætu sálum og fyrir að hafa fengið að nema af stórkostlegum jógameisturum og kennurum. Að skrá mig í þetta nám er ein besta ákvörðun sem ég hef tekið. Ef þú hefur verið að velta fyrir þér að fara í jógakennaranám og vilt kafa á dýptina, þá er Jógasetrið staðurinn og elsku Auður og hennar fólk ykkar leiðsögumenn.

Jóganámið gaf mér miklu meira en ég átti von á. Andinn í hópnum var yndislegur og kennararnir frábærir. Námið færði mér ný verkfæri í verkfærakistuna og í dag er jógaiðkun orðin hluti af mér. Ég er full þakklæti.

Þessi jógavegferð í náminu hefur verið hljóðlát en á sama tíma kraftmikil. Framfarirnar hafa ekki alltaf verið sýnilegar, en þær hafa gerst í andardrættinum sem enginn heyrir nema ég — í vitundinni sem vex skyndilega, í augnablikinu þegar ég vel nærveru fram yfir frammistöðu. Þegar ég þarf ekki að sýna og sanna neitt 💜 Mjúk heimkoma. Rými þar sem líkaminn hlustar og hugurinn beygir sig. Því öflugasta umbreytingin er sú sem ekki sést, heldur sú sem upplifist. Ég hef látið draum rætast og er breytt manneskja. Hjarta mitt hefur stækkað 💜 Þetta er búið að vera fallegt og umbreytandi ferðalag undir styrkri stjórn, reynslu og visku elsku Auðar Bjarnadóttur og gestakennara. Mæli svo hjartanlega með þessu jóganámi fyrir alla, hvort sem það er hugsað fyrir kennslu eða ekki, sannarlega eitt það besta sem ég hef gefið mér 💜🙏💜

Jógakennaranámið í Jógasetrinu hefur verið yndislegt ferðalag inn á við. Námið gaf mér góðan skilning á jóga og jógakennslu, ásamt því að vera nærandi sjálfsrækt og tækifæri til að læra að tengja betur við eigin líkama, huga og hjarta. Í náminu eignaðist ég dýrmætar jógasystur og kynntist frábærum kennurum sem leiddu af mikilli hlýju. Ég mæli heils hugar með náminu fyrir alla sem vilja vaxa, bæði sem jógakennarar og manneskjur.

Besta gjöfin sem ég hef gefið sjálfri mér er að skrá mig í jógakennaranám í Jógasetrinu 🙏🏻 Það færði mér innri ró, kærleika og innihaldsríkara líf í alla staði.

Auður Bjarnadóttir var aðalkennari námsins, hafði umsjón með öllu náminu og miðlaði af gríðarlegri þekkingu sinn á jógastöðum, öndun, möntrum og hugleiðslu til okkar. Hún opnaði fyrir mér nýja sýn á tilveruna, þar sem vitundin er ekki bundin við hið sjáanlega heldur nær yfir víddir sem eru bæði snertanlegar og ósnertanlegar. Hún kenndi mér að upplifa að ég sé hluti af heildinni „Ég er það og það er ég“. Þessi sýn á einingu og tengingu er eitt af því sem hefur haft áhrif á mig. Einnig lagði hún áherslu á að tengja saman kenningar og aðferðir ólíkra kennara, bæði úr náminu sjálfu svo og úr sinni eigin reynslu, sem gaf mér breiðari og dýpri skilning á jógaiðkuninni.

Það sem stendur upp úr er hvernig Auður hefur tvinnað alla þessa þræði saman með hyggjuviti sínu, reynslu, innsæi og visku. Dregið saman og gert aðgengilegt. Leiðir með fordæmi sínu. Leyfir öðrum að njóta vegferðar hennar á þroskabrautinni og þeirra lærdóma sem hún dregur á leiðinni. Jógafræðin í verki. Kærleikurinn sem leiðarljósið. Það hefur staðið upp úr fyrir mig.

Að fara í þetta jóganám er ein besta ákvörðun sem ég hef tekið fyrir sjálfa mig. Fyrir mér var þetta miklu meira en bara jógastöður. Þetta var dásamlegur griðastaður og ferðalag inn á við. Námið kenndi mér að hægja á mér og finna innri ró í miðjum stormi hversdagsins. Ég geng út úr þessu sterkari, mun meiri þolinmæði, með aukinn sveigjanleika og verkfæri í höndum sem munu nýtast mér alla ævilangt. Eignaðist framtíðar vinkonur. Þetta breytti algjörlega því hvernig ég nálgast lífið og ég mæli heilshugar með þessu námi!

Ég get með gleði og stolti mælt með þessu umbreytandi námi. Fræðslan var skemmtileg og vel fram sett og í raun meiri og dýpri en ég átti von á. Það sem stendur uppúr hjá mér fyrir utan frábæra fræðslu og djúpa innri vinnu er að ég lærði að sýna sjálfri mér alvöru mildi og góðvild.