Krakka og Unglingajóga í haust

 

 

“ Gefðu barninu þínu gjöf að anda, slaka, leika, finna, njóta og vera”

Áherslan í KRAKKAJÓGA er leikur og gleði. Börnin læra ýmsar jógastöður og æfingar sem styrkja jafnvægi, einbeingu og samhæfingu. Einnig léttar en áhrifaiklar hugleiðslur. Í lok tímans er nemandi leiddur áfram í stutta slökun sem er jafn nauðsynleg öðrum jógahreyfingum og öndun. Börnin eru dásamlega fljót að tileinka sér jógað. Og finna það hjálpa í lífi og leik!

KRAKKAJÓGA 3-4 ára (með foreldrum)
Sunnudaga kl. 10.30 – 11.15
10.september – 3.desember – 13 vikur

KRAKKAJÓGA  5-7 ára (án foreldra)
Sunnudaga kl. 11.30 – 12.20
10.september – 3.desember – 13 vikur

KRAKKAJÓGA  8-11 ára  

Laugardaga kl. 13.00-13.50
9.september – 2.desember – 13 vikur

UNGLINGAJÓGA 12-14 ára
Miðvikudaga kl. 15.45 – 16.45  – 13 vikur
20.september – 13.desember

Verð: 19.000 kr. – 13 vikur
20% afsláttur fyrir systkini.
Skrá barn á námskeið

Möguleiki er að nota frístundastyrk. Þá þarf foredri að skrá sig sjálft fyrst inn í kerfiðsem forráðamaður og síðan barnið.

 

 

 

 

 

 

“Við erum mjög svo ánægð með krakkajóga. Guðrún Eva 4 ára er alltaf spennt að fara og ánægð með tímana. Það hentar okkur vel að tímarnir séu eins upp byggðir en þó er alltaf einhver ný útfærsta og nýjar æfingar í hvert skiptið. Eins en ekki eins 😉 Frábærir tímar og frábær kennari”. Kv.Kristín

“Ég vilt þakka fyrir okkur. Stelpan mín  er rosalega ánægð hjá ykkur . Hún er alltaf koma svo gloð frá jogatimunum og ég sé lika breytingu. Nú gerir hún alls konar joga stöður sem hún vildi ekki gera fyrrr en hún byrjaði í yoga hjá ykkur. Takk fyrir ” Kær kveðja Shikha 

KRAKKAJÓGA 3-4 ára
Sunnudaga kl. 10.30 -11.15
Á námskeiðinu jóga fyrir börn er lögð áhersla á jógastöður og hreyfingar í gegnum leik og blandast þar spuni og dans með tónlist. Námskeiðið er mjög fjölbreytt, hver tími inniheldur andstæður í hreyfingum t.d. stórt-lítið, mjúkt-hart, rólegt-hratt o.s.frv. Gott flæði hreyfinga einkennir tímana. Jógakennsluaðferðir Gurudass eru notaðar þar sem hún hefur áratuga reynslu í að kenna börnum jóga. En Gurudass hefur verið með jógabarnakennara námskeið hjá Jógasetrinu í nokkur ár. Kennt er einnig samkvæmt kenningum Labans þar sem barnið öðlast góða líkamsvitund sem og skilning á rýminu. Beitt er öðrum kennsluaðferðum þar sem barnið situr í fyrirrúmi. Foreldri tekur virkan þátt, hjálpar og hvetur barnið.
Kennari Guðbjörg Arnardóttir

KRAKKAJÓGA 5-7 ára
Sunnudaga kl. 11.30 – 12.20 

Á námskeiðinu jóga fyrir börn er lögð áhersla á jógastöður, öndun, möntrur og hreyfingar í gegnum leik og blandast þar spuni og dans með tónlist. Námskeiðið er mjög fjölbreytt og oft stuðst við mismunandi þema til auka enn á fjölbreytnina. Gott flæði hreyfinga einkennir tímana þar sem farið er frá einni hreyfingu til annarra án mikillar áreynslu. Jógakennsluaðferðir Gurudass eru notaðar þar sem hún hefur áratuga reynslu í að kenna börnum jóga. En Gurudass hefur verið með jógabarnakennara námskeið hjá Jógasetrinu í nokkur ár. Kennt er einnig samkvæmt kenningum Labans þar sem barnið öðlast góða líkamsvitund sem og skilning á rýminu. Beitt er öðrum kennsluaðferðum þar sem höfuðáhersla er að setja þarfir og langanir barnsins í fyrirrúmi. Í lok tímans er nemandi leiddur áfram í stutta slökun sem er jafn nauðsynleg öðrum jógahreyfingum og öndun.
Kennari Guðbjörg Arnardóttir

KRAKKAJÓGA 8-11 ára
Laugardaga kl. 13.00-13.50

Kenndar eru ýmsar jógastöður og æfingar sem styrkja jafnvægi, einbeitingu og samhæfingu. Við gerum líka einfaldar öndunaræfingar, syngjum möntrur með hreyfingum, förum í leiki, kynnumst jógafrosknum Manduk, gerum stuttar hugleiðslur og endum alla tíma á slökun. Í krakkajóga verður að vera gaman, við æfum okkur í að treysta hvort öðru og samþykkja að það er nóg að vera þú sjálf/ur alveg eins og þú ert.
Kennari Guðbjörg Arnardóttir

UNGLINGAJÓGA 12-14 ára
Miðvikudaga kl. 15.45 – 16.45 
Á námskeiðinu er tvinnað saman skemmtilegum jógastöðum, öndunaræfingum, hugleiðslu og slökun. Jóga gefur okkur orku, styrk, gleði og kyrrð. Sérstök áhersla er lögð á æfingar sem hjálpa til að kyrra hugann og tengja inn á við. Jóga er fyrir alla: íþróttatýpur, bókaorma, stirða sem liðuga, stráka og stelpurJóga eflir þína persónulegu tengingu við þig sjálfa(n). Við keppumst ekki um að vera best í jóga heldur er markmiðið að vera besta útgáfan af sjálfum okkur.
Kennari Estrid Þorvaldsdóttir

ATHUGIÐ: Skráður er fyrst forráðamaður í Nýskráningu, síðan kemur nafn barns undir NÝR IÐKANDI og þaðan er námskeiðið valið og greitt.

Leiðbeiningar og SKRÁNING Á NÁMSKEIÐ JÓGASETURSINS

KRAKKAJÓGA Mynddiskur frá Þingvöllum
DVD Krakkajóga  (fæst í Jógasetrinu og ýmsum verslunum)

“Það er hamingjuréttur hverrar manneskju að vera hraust, heilbrigð og hamingjusöm”

MEÐMÆLI 
Við erum búin að vera alveg gríðarlega ánægð með hana Guðbjörgu, hún tekur alltaf vel á móti krökkunum og sýnir svo mikla umhyggju. Við viljum bara þakka Guðbjörgu fyrir að sinna dóttur okkar alltaf svo vel.

A…… elskar jógað hjá ykkur og Álfrúnu. Hún glímir við mikinn kvíða, lélega sjálfsmynd og stress sem hefur hamlað henni mikið í öðrum íþróttum. Núna nýtur hún sín til fulls og hlakkar til hvers tíma. Á móti jóganu stundar hún sund einu sinni í viku. Við myndum bara helst vilja hafa fleiri jógatíma í viku. Ég mæli hiklaust með þessum dásamlegu tímum. 

Sögur frá krökkum

Skrá barn á námskeið í KRAKKAJÓGA