Opið kort

VORÖNN 2021

13. janúar – 31. maí 2021.
Verð. 48.000 kr.

 

Opið kort í Jógaflæði  (Hatha) –  Kundalini jóga, Mjúkt jóga og Jóga Nidra.

 
MORGUNTÍMAR – HÁDEGI  OG SÍÐDEGI 


Velkomið í opnu korti að mæta í kraftmikið Kundalini jóga, Jógaflæði / Hatha, Mjúkt jóga og Jóga Nidra, til að fá styrk, mýkt og djúpa slökun inn í lífið.

Frábærir kennarar deila reynslu sinni og þekkingu. 


OPIÐ KORT
Frjáls mæting í opna tíma í Kundalini jóga, Jógaflæði , Mjúkt jóga og Jóga Nidra (gildir í alla tíma nema lokuð sérnámskeið).

Í boði eru mánaðarkort –  Vorönn – 10 tíma kort – stakir tímar – Áskrift eða árskort.  Sjá Verðskrá 

Jógasetrið er vettvangur fyrir jógaiðkun fyrir alla aldurshópa. Við leggjum áherslu á vingjarnlegt andrúmsloft þar sem við leitumst við að hlúa að og næra líkama, sál og andans vellíðan. Hver og einn á sínum forsendum. Jóga er fyrir þig, þar sem þú ert stödd/staddur hverju sinni! Jóga stuðlar að jafnvægi á huga, sál og líkama, gefur betri einbeitingu, styrk og frið inn í daglega lífið. Regluleg ástund er frábær gegn kvíða og jafnvel depurð og þunglyndi.

“Every leaf of the tree becomes a page of the sacred scripture once the soul has learned to read.”
– Saadi (Medieval Persian poet

HJARTANLEGA VELKOMIN TIL OKKAR Í JÓGASETRIÐ, SKIPHOLTI 50C.
 
Staðsetningin er frábær, næg bílastæði og rýmið bjart og fallegt.
 

 

Nánar um Kundalini Yoga

Kundalini jóga / Lífsorku jóga er markvisst jógakerfi með eflandi jóga og öndunaræfingum, hugleiðslu, möntrum og slökun. Unnið er að því að því að lyfta orkunni upp, bæta jafnvægi orkustöðva og víkka vitund okkar. 

Með því að ástunda kundalini jóga styrkjum við taugakerfið, innkirtlakerfið og ónæmiskerfið og komum jafnvægi á líkama, huga og sál. Jóga þýðir sameining. Þegar við vekjum upp okkar eigin orku finnum við að streitan minnkar en viljastyrkur og lífsgleði eflast. 

Kundalini jóga samanstendur af æfingum eða stöðum (asana), með ákveðinni öndun (pranayama), handa- og fingrastöðum (mudra), líkamslokum (bandha), tónun (mantra) og íhugun (meditation), saman eða í ákveðinni röð til að skapa ákveðin áhrif. Þessi vísindi hafa verið kennd í klaustrum á Indlandi og í Tíbet í þúsundir ára.

Kundalini jóga hentar bæði byrjendum og jógaiðkendum sem hafa reynslu af öðrum tegundum jóga.

 

Nánar um Jógaflæði / Hatha

Smile, breathe and go slowly.  ~Thich Nhat Hanh

JÓGAFLÆÐI / Hatha
Hatha er ein þekktasta tegund jóga á vesturlöndunum. HA þýðir sól og THA þýðir máni. Unnið er með  að flæða mjúklega inn og úr jógastöðum (asana), öndun (pranayama) og slökun. Jafnvægi styrkist í innkirtlakerfinu, taugakerfinu, vöðvum og stoðkerfi, ónæmiskerfi og blóðrás. Grunn líkamsstöðurnar í hatha jóga eru 84 en til eru mismunandi útfærslur sem gerir Hatha jóga fjölbreytt og styrkleikastig mjög misjafnt.

Þegar við hægjum á önduninni þá róast hugurinn og við styrkjum meðvitund um augnablikið hér og nú. Í hringrás öndunar skapast eins konar hugleiðsluástand í jógastöðunum, einbeiting og jafnvægi í líkama, tilfinningum og huga. Þannig opnar jóga glufu fyrir sálartengingu þar sem við skynjum okkur tengd og í einingu við allt.

JÓGAFLÆÐI ( hatha )
Mánud. og miðvikud. og föstud. kl. 17.15-18.30 (hatha / jóga nidra )
og laugardaga kl. 10.00

MJÚKT JÓGA
Þriðjud. og fimmtudögum kl. 10.00 – 11.15
Sami grunnur og hatha / Jógaflæði en farið hægar og mýkra inn í allar stöður.

OPIÐ KORT:
Í Opnu Korti er opið í alla bláa tíma í stundarskrá, Jógaflæði ( Hatha ) – Mjúkt jóga og Kundalini jóga. Hægt er að koma í staka tíma.

KENNARAR: Auður  / Arna Rín /  Edda /  Halla 

STUNDASKRÁ

Inhale, and God approaches you.  Hold the inhalation, and God remains with you.  Exhale, and you approach God.  Hold the exhalation, and surrender to God.  ~Krishnamacharya

Nánar um Jóga Nidra
“Lífið er ekki verkefni til að leysa heldur leyndardómur til að uppgötva” Amrit Desai 

JÓGA NIDRA

Nidra þýðir svefn, en ólíkt svefni er Jóga Nidra meðvituð, djúp slökun, eða liggjandi leidc hugleiðsla. Í Jóga Nidra er leitt í djúpt slökunarástand handan skilningarvitanna.  Þessi djúpa slökun hjálpar við að losa um spennu og hindranir hugans sem geta dregið úr okkur í daglegu lífi.

Streita er undirliggjandi orsakaþáttur í mörgum sjúkdómum. Hún getur birst í mismunandi myndum og er stundum svo samofin tilverunni að við tökum jafnvel ekki eftir henni fyrr en hún er farin að valda vandamálum. Jóga Nidra er ein af mörgum aðferðum til heilunar.

Leitt er inn í slökunina og smám saman er farið inn á dýpstu svið slökunar. Þar getur líkaminn heilað sig sjálfur, náð jafnvægi og losað um streitu, kvíða og órólegar hugsanir. Jóga Nidra hentar hraustu fólki við að takast á við mikið álag og getur hjálpað veiku fólki til að losna við sársauka eða sjúkdóma.

Í tímunum er farið í mjúkar jógastöður í 30 – 40 mínútur áður en farið er í djúpslökunina.
Gott er að hafa með sér sinn eigin augnpúða eða klút til að leggja yfir augun.

TÍMAR:
Þriðjud. og Fimmtudagar kl. 10.00 – 11.15 Mjúkt jóga og Nidra – Arna Rín / Edda Jóns

Mánudagar  kl. 17.15 – 18.30  – Jógaflæði með Nidra slökun –  Halla Hákonardóttir
Miðvikudaga kl. 17.15-18.30  –  Jógaflæði með Nidra slökun –  Arna Rín Ólafsdóttir
Föstudaga kl. 12.00 – 13.00   –   Mjúkt jóga með Nidra slökun – Auður Bjarnadóttir
Föstudaga kl. 17.15 – 18.15  –    Mjúkt jóga með Nidra slökun  – María Margeirsdóttir

Kröftugra Jógaflæði á mánud. og á miðvikudögum en mýkra á föstudögum.

Vinsamlegast mætið tímanlega til að skapa kyrrð í stundina frá upphafi.

Archives

Pin It on Pinterest

Share This