Kennarar og starfsfólk Jógasetursins

Arna Rín Ólafsdóttir lauk fyrsta kennaranámi sínu hjá Jógasetrinu árið 2013. Í framhaldi af því hefur hún lokið krakkajóga kennararéttindum, 500klst réttindum í hatha jóga, pranajóga og Jóga nidra. Hún hefur einnig lokið framhaldsréttindum í Jóga Nidra ásamt Jóga Nidra fyrir börn frá Amrit Yoga setri í Flórída þar sem hún bjó, iðkaði jóga og starfaði um hálf ár. Arna hefur lengi verið hluti af jógaseturs teyminu og hefur haldið utan um fjölda tíma og námskeiða. Arna er einnig menntaður heilsumarkþjálfi, hefur lokið fyrsta stigi í Reiki heilun og hefur djúpan áhuga á heildrænni heilsu.
Arna kennir tíma sína með áherslu á að byggja sterkara traust til líkamans og læra að heiðra skilaboð hans með virðingu og kærleika. Hún býður þannig upp á rými fyrir iðkendur til þess að upplifa hve djúpt líkaminn er tilbúinn að fara í hvert sinn sem mætt er á dýnuna. Að fara inn í kærleikann í gegnum mýktina.
Arna Rín kennir meðgöngujóga, jógaflæði, jóga nidra, mjúkt jóga og lokuð námskeið.

Birgir Þorsteinn Jóakimsson hefur haft áhuga á jógafræðunum frá því hann var unglingur. Hann lauk kennaranámi hjá Jóga stúdíói og Yogi Shanti Desai sumarið 1998. Birgir hefur kennt fólki á öllum aldri á hinum ýmsu stöðum frá árinu 1998 meðfram starfi sínu sem grafískur hönnuður. Hann er mikill áhugamaður um hlaup, hjólreiðar og nú síðast sjósund sem hann stundar af töluveðri ástríðu. Birgir trúir því að lykillinn að því að verða góður jógakennari sé að þykja alveg óendanlega vænt um þá sem hann er að kenna. Þá kemur allt hitt að sjálfu sér.

Birgir kennir Karlajóga.

Brynja Gunnarsdóttir hefur kennt í Jógasetrinu síðan 2013. Hún lauk jógakennaranámi í Kundalini jóga árið 2013 og Jóga Nidra árið 2015. Hún hefur sótt ýmis námskeið og viðburði tengda jóga, öndun, og hugleiðslu. Jóga er svo miklu meira en að mæta á dýnuna og gera æfingar, jóga er lífstíll og hugarfar sem tengir líkama, huga og sál.

Brynja kennir meðgöngujóga, jóga nidra og kundalini jóga.

Edda Jónsdóttir á að baki nám í Jóga Nidra, Kundalini Jóga og nú síðast Hatha Jóga byggt á nálgun Vandu Scaravelli. Nálgun sem leggur áherslu á jarðtengingu, hlustun og forvitni í allri iðkun.  Að auki hefur hún sótt fjölmörg námskeið tengd jóga og heilsu og menntunar á sviði flot- og vatnsmeðferðarvinnu sem hún starfar einnig við. Edda hefur sótt ýmis námskeið sem nýtast henni í þeirri vinnu t.a.m. jógaþerapíu, flotþerapíu og Acquatic Massage Therapy. Helstu áhugamál eru fjölbreytt hreyfing og útivera ásamt ótalmörgu sem snýr að andlegri og líkamlegri heilsu. Edda kennir Mjúkt jóga og Jóga nidra.

Elva Rut er hjúkrunarfræðingur og ljósmóðir. Hún hefur starfað sem ljósmóðir  í Hreiðrinu og á fæðingarvakt LSH  á árunum 2006-2018. Í maí 2017 hóf hún störf í Björkinni sem er ljósmæðrastýrð fæðingarstofa og sinnir þar konum í mæðravernd, fæðingu og heimaþjónustu.

Elva fékk áhuga á jóga þegar hún var að sinna konum í fæðingu sem höfðu stundað jóga á meðgöngu og fannst áhugavert hvað jóga hjálpaði konum í fæðingunni. Elva útskrifaðist sem kundalini jógakennari árið 2015, meðgöngu jógakennari árið 2016 og jóga nidra kennari árið 2018.

Elvu er mjög umhugað um að styðja við og fræða konur á meðgöngu, í fæðingu og fyrstu dagana eftir fæðingu, og þá sér í lagi aðstyðja við val og óskir kvenna.Elvu er hugleikið að hvetja barnshafandi konur til að gefa sér tíma til að stunda jóga á meðgöngu, því það er falleg gjöf sem hin barnshafandi kona gefur sér, barninu sínu og fjölskyldu sinni.

Estrid Þorvaldsdóttir, byrjaði í kundalini yoga kennararnámi í september 2008. Kundalini jóga eftir forskrift Yogi Bhajan, hefur notið vaxandi vinsælda og er stundum kallað jóga hins vinnandi fólks. Estrid starfar sem yoga kennari og ráðgjafi og leiðsögumaður um fjöll og fyrnindi. Hún er í framhaldsnámi í kundalini yoga fræðum.  Hún vinnur einnig með orkustöðvar heilun byggt á vísindum kundalini yoga og veitir persónulega ráðgjöf við að finna út hvaða orkustöðvar eru í ójafnvægi og veita hugleiðslur og yogaæfingar sem hjálpa viðkomandi finna þitt eðlilega ástand. Estrid kennir Kundalini jóga,  Orkustöðvanámskeið og er einnig með einkatíma í Orkustöðvarlestri.

Guðrún Theodóra er menntaður meðgöngu- og kundalini jógakennari. Einnig hefur hún sótt fjölmörg námskeið eins og krakkajóga, Sat Nam Rasayan, Innhverfa íhugun og Beyond Addiction. Í dag stundar Guðrún nám í Ayurvedískum fræðum, oft nefnd sem systuvísindi jógafræðana. Hún kennir meðgöngujóga og leggur áherslu á tengingu við andardráttinn, íhugun og mikilvægi slökunar. Guðrún er fjögurra barna móðir og eiginkona en þau hjónin eiga og reka saman framkvæmdahúsið Lifandi verkefni.

Halla Hákonardóttir er jógakennari og vatnsmeðferðaraðili. Halla er með kennararéttindi í RA vinyasa jóga frá Radiantly alive á Balí, Jóga Nidra level 1&2 frá Amrit yoga institute og kundalini joga frá Jógasetrinu. Auk þess hefur hún sótt sér hin ýmsu námskeið til að dýpka eigin ástundun og þekkingu sína í fræðunum. Halla vinnur hjá Flothettu sem verkefnastjóri og flotmeðferðaraðili. Hún hefur sótt námskeið í gong, reiki heilun og thai jóga nuddi. Sem jógakennari leggur Halla áherslu á líkamlega meðvitund, frelsi í hreyfingu og djúpa tengingu við andardráttinn. Halla kennir Jógaflæði.

Júlía er jógakennari og Doulunemi. Hún útskrifaðist sem Kundalini jógakennari árið 2016 og svo Jóga Nidra kennari árið 2018. Júlía hefur stundað jóga frá 16 ára aldri og hefur það umbeytt lífi hennar á þann hátt að hana langar til þess að opnað þennan heim fyrir fleirum. Júlía hefur einnig lokið Thai nuddnámskeiði sem hún nýtir sér meðal annrs fyrir barnshafandi konur. Því henni finnst fátt jafn gefandi og að vera stuðningur fyrir barnshafandi konur. Júlía er í Vikasa Hatha jógakennara námi auk þess sem hún sinnir því að vera tveggja barna móðir sem starfar á leikskóla þar sem hún elskar að fá að kenna krakkajóga. Júlía hefur brennandi áhuga á öllu því sem viðkemur meðgöngu, fæðingu og uppeldi.
Júlía kennir Meðgöngujóga.

María Margeirsdóttir er menntaður grafískur hönnuður. Hún útskrifaðist sem Kundalini jógakennari árið 2015 og svo Jóga Nidra kennari árið 2018. Kundalini jóga kynntist hún fyrst árið 2005 og heillaðist af þessum magnaða og umbreytandi lífstíll sem tengir saman huga, líkama og sál á svo góðan og fallegan hátt. María kennir Kundalini jóga, Jóga fyrir 60 plús og Jóga Nidra

María Ásmundsdóttir Shanko lærði stott-pilates 2005 bæði hérlendis og í Boston og þjálfaði í Hreyfingu 2005-2006. 2011 fór hún á leikjóganámskeið “Childplay” hjá Gurudass Kaur og 2013 útskrifaði hún sem kundalini jógakennari í Jógasetrinu. Hún lærði meðgöngu- og mömmujóga hjá Andartak veturinn 2014-2015 og stundar nú hatha jógakennaranám 2020-2021 hjá Ástu Arnardóttur í Yogavin. María kenndi jóga á Austurlandi á árunum 2016-2018, hefur kennt leikjóga í leikskólanum Öskju frá 2018 og leyst af í Jógasetrinu. Hún hefur unnið sem bekkjarkennari í grunnskólum, verið dagmóðir, skólastjóri yfir leik- og grunnskóla og hópstjóri í leikskólanum Öskju. Hún hefur reynslu af því að kenna jóga á öllum námstigum. María er auk þess menntaður framhaldsskólakennari í latínu og grísku með MA próf í þýðingafræði. Áhugamál hennar fyrir utan jóga er að dansa argentískan tangó, ferðast, syngja og útivist.

María kennir krakkajóga 3-4 ára með foreldrum.

Kristín Rósa, eða Rósa eins og hún er kölluð, er Kundalini-jógakennari og er með kennararéttindi í jóga-Nidra og í Hatha jóga frá Amrit Yoga Institute. Hún hefur einnig sótt framhalds námskeið í jóga-Nidra, kundalini jóga og jógaterpíu. Hún er menntaður hjúkrunarfæðingur og er með meistarpróf í lýðheilsuvísindum frá Háskóla Íslands.  Í lokaverkefni sínu í lýðheilsuvísindum skrifaði hún sérstaklega um streitu og áhrif hennar á heilsu og líðan, og streitustjórnun. Hún er að læra markþjálfun hjá Profectus og er að ljúka kennararéttindanámi í streitustjórnun og seigluþjálfun hjá Benson-Henry Institute. 

Rósa kennir jóga í Fjölmennt einu sinni í viku. Hún hefur kennt byrjendanámskeið í kundalini jóga í Jógasetrinu og Jógahúsinu. Hún kenndi starfsfólki Landspítalans jóga í 5 ár og býður starfsfólki bráðamóttöku í jóga nidra. Hún hefur einnig leitt hugleiðslunámskeið fyrir hjúkrunarfræðinga.

Kristín Rósa kennir Kundalini og Jóga Nidra.

Rósa Matthíasdóttir  langaði að verða jógakennari frá unga aldri. Hún er menntuð tækniteiknari, listfræðingur og master í leiðtogafærni og stjórnun. Síðan 2012 hefur Rósa kennt Kundalini Jóga ásamt Jóga Nidra síðan 2017, hvoru tveggja nam hún hjá Jógasetrinu. Rósa nýtir einnig MP-NLP (Neuro- Linguistic Programming) í kennslu sinni, sem er undirmeðvitundarfræði. Rósa hefur opnað sín eigin persónulegu litlu stúdíó á Akureyri, ásamt því að leiða eldri borgara í stólajóga í 3 vetur hjá Akureyrarbæ, meðfram því að fá að leiða tíma hjá Auði Bjarnadóttur eiganda Jógasetursins í gegnum árin. Jóga er lífsstíll, bæði líkama og sálar, jóga er að gera sitt allra besta öllum stundum, vera meðvitaður og bera ábyrgð á eigin upplifunum og lífi. Rósa kenninr Kundalini Jóga, Jóga Nidra, Jóga fyrir 60 ára og eldri og Mjúkt Jóga.

Sólveig Nikulásdóttir er menntaður framhaldsskólakennari og leiðsögumaður en hefur unnið í ferðaþjónustu um árabil og sem vöruþróunarstjóri hjá Iceland Travel. Sólveig starfar nú sem sérfræðingur hjá Hæfnisetri ferðaþjónustunnar. Hún útskrifaðist sem Kundalini jógakennari árið 2015 frá Jógasetrinu og lauk Hatha Vinyasa kennaranámi frá Maui Yoga Shala 2018. Hún hefur einnig sótt Childplay jóganámskeið hjá Gurudass Kaur, lokið Jóga Nidra level 1 og level 2 frá Amrit Yoga Institute og 30 klst Yin Yoga kennararéttindum frá YogaWise. Hún hefur alla tíð elskað allskonar jóga og finnst fátt skemmtilegra en að bæta við sig þekkingu í jógafræðunum og deila áfram enda hefur hún upplifað á eigin skinni hvernig jóga getur hjálpað við að auka vellíðan, losna við kvilla og ekki síst róa hugann og minnka streitu. Fyrir utan jóga eru áhugamálin m.a. ferðalög og ævintýri innanlands og utan, gönguferðir, ilmkjarnaolíur, vatnslitamálun og kettlingar.

Sólveig kennir Jógaflæði, jóga Nidra og Kundalini jóga

Estrid Þorvaldsdóttir, byrjaði í kundalini yoga kennararnámi í september 2008. Kundalini jóga eftir forskrift Yogi Bhajan, hefur notið vaxandi vinsælda og er stundum kallað jóga hins vinnandi fólks. Estrid starfar sem yoga kennari og ráðgjafi og leiðsögumaður um fjöll og fyrnindi. Hún er í framhaldsnámi í kundalini yoga fræðum.  Hún vinnur einnig með orkustöðvar heilun byggt á vísindum kundalini yoga og veitir persónulega ráðgjöf við að finna út hvaða orkustöðvar eru í ójafnvægi og veita hugleiðslur og yogaæfingar sem hjálpa viðkomandi finna þitt eðlilega ástand. Estrid kennir Kundalini jóga,  Orkustöðvanámskeið og er einnig með einkatíma í Orkustöðvarlestri.

Estrid kennir Kundalini jóga

Una lærði mannfræði og textíl sem leiddi hana til fjallaþorps í Japan þar sem hún var í starfsnámi hjá vefmeistara. Áhugasvið hennar liggur á mörgum sviðum en hún hefur mikið skoðað líkamann, skynjun og upplifun hvort sem er í mannfræðinni eða textílnum. Hún kynntist jóga og hugleiðslu sem barn og hefur stundað það í gegnum tíðina og stefnir á að ljúka Jóga Nidra réttindum.

Hún starfar á skrifstofu/móttöku Jógasetursins.

Ástrós Erla starfar sem jógakennari, heilari og félagsráðgjafi. Í jógakennslunni leggur hún mikla áherslu á að einstaklingar fái hin ýmis tól til að tengjast sjálfu sér betur í gegnum vinnu með huga, líkama og sál. Hún blandar saman ýmsum fræðum til að einstaklingar fái heildrænar leiðir að bættri líkamlegri og andlegri heilsu. Í tímunum blandar hún saman líkamlegum jógaæfingum, hugleiðslu, öndunaræfingum, æfingum fyrir orkulíkama, núvitund og sjálfstyrkingu.

Ástrós kennir meðgöngujóga

Marta Karen lauk 200 tíma kennararéttindi sínu í jóga árið 2017 í Rishikesh á Indlandi eftir að hafa stundað jóga í u.þ.b. fimm ár. Hún er menntuð BASc í vöruframleiðslu frá Hollandi (2015) og MSc í sjálfbærri þróunn frá Svíþjóð (2019). Í seinna náminu komst hún að þeim skilning að til þess að geta bætt heiminn þurfum við að byrja á okkur sjálfum. Þaðan hófst hennar vegferð að djúpri sjálfskoðun með jóga, hreinu matarræði og stjörnuspeki að leiðarljósi. Hún bætti einnig við sig námskeiði í heilsu kvenna frá CHEK institute (2021) og þar á eftir 300 tíma framhaldsnámi í jóga (2022). Mörtu þykir spennandi að læra á hreyfigetu líkamanns út frá anatomíu, og tengingu þess við hugarafl og sjálfseflingu.

Marta kennir meðgöngujóga

Estrid Þorvaldsdóttir, byrjaði í kundalini yoga kennararnámi í september 2008. Kundalini jóga eftir forskrift Yogi Bhajan, hefur notið vaxandi vinsælda og er stundum kallað jóga hins vinnandi fólks. Estrid starfar sem yoga kennari og ráðgjafi og leiðsögumaður um fjöll og fyrnindi. Hún er í framhaldsnámi í kundalini yoga fræðum.  Hún vinnur einnig með orkustöðvar heilun byggt á vísindum kundalini yoga og veitir persónulega ráðgjöf við að finna út hvaða orkustöðvar eru í ójafnvægi og veita hugleiðslur og yogaæfingar sem hjálpa viðkomandi finna þitt eðlilega ástand. Estrid kennir Kundalini jóga,  Orkustöðvanámskeið og er einnig með einkatíma í Orkustöðvarlestri.

Júlía er jógakennari og Doulunemi. Hún útskrifaðist sem Kundalini jógakennari árið 2016 og svo Jóga Nidra kennari árið 2018. Júlía hefur stundað jóga frá 16 ára aldri og hefur það umbeytt lífi hennar á þann hátt að hana langar til þess að opnað þennan heim fyrir fleirum. Júlía hefur einnig lokið Thai nuddnámskeiði sem hún nýtir sér meðal annrs fyrir barnshafandi konur. Því henni finnst fátt jafn gefandi og að vera stuðningur fyrir barnshafandi konur. Júlía er í Vikasa Hatha jógakennara námi auk þess sem hún sinnir því að vera tveggja barna móðir sem starfar á leikskóla þar sem hún elskar að fá að kenna krakkajóga. Júlía hefur brennandi áhuga á öllu því sem viðkemur meðgöngu, fæðingu og uppeldi.
Júlía kennir Meðgöngujóga.

Sunna María

Sunna lauk námi í hjúkrunarfræði árið 2017 og ljósmóðurfræði árið 2020. Sunna hefur starfað á vökudeild, fæðingarvaktinni og í mæðravernd en frá árinu 2021 hefur hún starfað hjá Björkinni. Sunna er skapandi orka í öllu sem hún tekur sér fyrir hendur, stóru og smáu, femínisti fram í fingurgóma með sterka réttlætiskennd. Uppskriftin að hamingjunni er samvera  með börnunum, iðkun a jógamottunni, núvitund í náttúrunni með dassi af dansi, góðu kaffi og kæruleysi.