Vonandi höfum við öll notið sumars og sælu, faðmað tré og týnt ber. Að finna einingu og vellíðan í náttúrunni er sannarlega Jóga!  En svo er gott að koma í jógasalinn líka.

Haustið er árstíð umbreytinga. Það er kjarkað og skemmtilegt að fagna umbreytingum og jafnvel óvissunni bæði andlega og líkamlega.  Allt er jú í stöðugu ferli og eina sem við vitum er að allt breytist. ,Að finna traust frið og gleði í gegnum allt, það er jóga”

SKRÁNING
Vegna fjöldatakmarkana í salinn þá þarf að skrá sig fyrirfram í tímana. Til að skrá sig þá vinsamlegast sendið okkur email á jogasetrid@jogasetrid.is. Fyrir morgun og hádegistímana er gott að fá skráningu kvöldið áður, fyrir síðdegistímana, senda okkur fyrri part dags.

ATH: Vinsamlegast komið með ykkar eigin dýnu – eða yfirdýnu, púða og teppi! Bestu þakkir

Við gerum öll okkar besta. Munum að þrífa hendur vel og spritta.

Svo er gott að vera þakklát fyrir að við erum á Íslandi með okkar frábæra heilbrigðisfólk að halda utan um okkur. Þetta er jú ein stór og löng Jógaæfing að samþykkja lögmál breytileikans en geta um leið verið í sátt og gjafmild og góð!

JÓGA NIDRA með Auði 25 mín:
Hér er í viðtali við Auði Bjarna og Jóga Nidra fyrir heilsu og hugarfrið. Njótið. Gott að gera daglega.

Pin It on Pinterest

Share This