” Kyrrðin er móðir viskunnar –  Kyrrlát móðir er vitur móðir “

MEÐGÖNGUJÓGA
Í Meðgöngujóga leggjum við áherslu á öndun,  teygjur,  styrkjandi æfingar, hugleiðslu og slökun. Djúp öndun og slökun er einn mikilvægasti undirbúningur fyrir góða fæðingu. Við leggjum einnig áherslu á  sjálfsstyrkingu konunnar og líkamlega og andlega vellíðan fyrir fæðingu og móðurhlutverkið.

Óteljandi fæðingar – og reynslusögur kvenna hafa staðfest að jóga er einn besti undirbúningur fyrir góða fæðingu enda hvetja flestar ljósmæður konur til að stunda jóga á meðgöngunni. Barnshafandi konur finna að jóga ástundun á meðgöngunni bætir andlega og líkamlega heilsu og vellíðan. Jóga stuðlar að betri meðvitund og tengingu við líkamann, hugarástand og tilfinningar. Með rólegri athygli dýpkar innsæið og öryggi og sjálfstraust eflist. Í jóga gefur konan meðgöngunni, sjálfri sér og barninu sérstaka athygli og er hvött til að bera ábyrgð á eigin heilsu og vera virk og skapandi í fæðingunni.

Gott er að byrja í meðgöngujóga á 14 –16 viku en fínt að byrja síðar líka. Flestar konur eru fram að fæðingu. Aldrei of seint að byrja og hægt að byrja hvenær sem er á meðan við höfum pláss.

“Kona sem stýrir fæðingu sinni öðlast styrk fyrir lífstíð  Áslaug Hauksdóttir ljósmóðir

 

MEÐGÖNGUJÓGA SUMAR 2020

ATH. vegna mikillar aðsóknar er biðlisti í meðgöngujóga. Skráning á biðlista með email á jogasetrid@jogasetrid.is

Látið fylgja með settan dag og hvaða hópur myndi henta best.

Þú velur ákveðinn hóp og heldur þig við þann hóp. Þegar nær dregur fæðingu og þú vilt breyta um tímasetningu þá gerum við auðvitað okkar besta að flytja þig á milli hópa.

HÓPAR:

Hópur 1-  Mánud. og miðvikud. kl. 14.00 – 15.15

Hópur 2-  Mánud. og miðvikud. kl. 18.45 – 20.00

Hópur 3-  Þriðjud. og fimmtud.  kl. 12.00 – 13.15

Hópur 4-  Þriðjud. og fimmtud. kl. 18:45 – 20:00

Auk þess eru eftirfarandi tímar opnir öllum sem skráðar eru í meðgöngujóga hjá okkur og hvetjum við ykkur til að nýta þá líka:
Föstudagar  kl. 12.00 – 13.00 –  Jóga Nidra
Föstudagar  kl. 17.15 – 18.30 –  Jóga Nidra
Laugardagar kl. 11.30 – 12.40 –  Meðgöngujóga

Ef þú vilt vera á biðlista vinsamlegast sendu tölvupóst og láttu okkur vita hvaða tími hentar best. Sendu email á jogasetrid@jogasetrid.is  –  Bestu þakkir.

PRUFUTÍMI : Vegna mikillar aðsóknar getum við því miður ekki gefið færi á prufutíma.

KENNARAR: Auður Bjarnadóttir  /  Arna Rín Ólafsdóttir  / Elva Rut Helgadóttir  /  Guðrún Theódóra Hrafnsdóttir  /  Júlía Dalrós og Þorgerður Sveinsdóttir.

Auður Bjarndóttir hefur verið leiðandi í meðgöngujógakennslu í undanfarin 20 ár og finnst unun að sjá konur (líka frumbyrjur) finna styrkinn sinn og áræðni til að fæða börnin sín í ró yfirvegun og öryggi.  En líka svo yndislegt að sjá fleiri frábæra kennara bætast í hópinn og finna ástríðuna blómstra í meðgöngujóga. http://jogasetrid.is/um-okkur/kennarar/

Athugið: Allar skráningar á námskeið eru endanlegar, kort eru ekki endurgreidd. Undanþágur ef um veikindi er að ræða, þá ber að framvísa læknisvottorði. 

MEÐGÖNGUJÓGA HJÁ AUÐI á Facebook

UMSAGNIR OG MEÐMÆLI um MEÐGÖNGUJÓGA

VERÐ Í MEÐGÖNGUJÓGA  2020
1 stakur mánuður   13.500 kr.

2 mánuðir saman   24.000 kr.
3 mánuðir saman   33.000 kr.
4 mánuðir saman   40.000 kr.
5 mánuðir saman   48.000 kr.

Í lok meðgöngu er hægt að bæta við stökum vikum. Ef þú hefur verið í 3 mánuði eða lengur, þá ertu heiðursgestur okkar frá 40 viku og fram að fæðingu – í okkar boði!
2 vikur 8000 kr.
1 vika 4500 kr.

KLÆÐNAÐUR: Best er að vera berfættur og í fötum sem ekki þrengja að. 

KOMA MEÐ: VINSAMLEGAST KOMIÐ MEÐ EIGIN DÝNU; PÚÐA OG TEPPI.  Og vatnsflösku. Gott er að hafa nært sig með léttri máltíð ca 2 klst. fyrir jóga á meðgöngunni.

 

PARANÁMSKEIР “ JÁ ELSKAN”

PARANÁMSKEIР með Auði Bjarnadóttur og Áslaugu Birnu Jónsdóttur ljósmóður og nuddara.
Á ca. 4-6 vikna fresti bjóðum við upp á PARANÁMSKEIР þar sem makinn mætir með, eða sá sem aðstoðar í fæðingu. Farið er í öndun og ýmsan undirbúning fyrir fæðinguna, nudd, ásamt ýmsum góðum ráðum. Rannsóknir sýna að góður stuðningur maka í fæðingum hefur jákvæð áhrif á líðan konunnar og minna um inngrip í fæðingu.
 

PARANÁMSKEIÐ Á MEÐGÖNGU   Sunnudag 9. ágúst  kl. 16.00 – 19.00
Fyrir konur settar í ágúst og byrjun september og  maka / eða aðstandanda

PARANÁMSKEIÐ Á MEÐGÖNGU   Sunnudag 30. ágúst  kl. 15.00 – 18.00
Fyrir konur settar í september og byrjun október og maka / eða aðstandanda

PARANÁMSKEIÐ SKRÁNING
Vinsamlegast sendu okkur email á jogasetrid@jogasetrid.is  til að skrá þig, og muna að senda okkur:
1- Nafn maka eða aðstandenda
2- Settur dagur
3- Láttu okkur vita að þú sért hjá okkur í Jóga. Takk.

PARANÁMSKEIÐ : 6500 kr. fyrir parið.

ATH! Paranámskeiðið er griðarlega vinsælt og því aðeins fyrir konur sem eru í meðgöngujóga í Jógasetrinu.

” Get ekki mælt meira með þessu námskeiði og svo vorum við svo heppin með að fá hana Áslaugu sem ljósmóður þegar við áttum okkar stelpu í október algjör draumur “ 😊  Erla María

 

 “When a woman owns her birth she owns her life”

“Líkaminn er hof, hugsaðu vel um hann. Hugurinn er orka, stilltu hana. Sálin er útgeislun, stattu á bak við hana”  

 

MEÐGANGA OG JÓGA
Fæðing hverrar konu er einstök reynsla, ekki sjúkdómur, heldur eðlilegur hluti af náttúrunni og hverri konu eðlislæg. Þeim mun öruggari sem konan er þeim mun betur getur hún tekist á við fæðinguna og notið hennar. Jóga styrkir og opnar líkamann, eykur mýkt og sveigjanleika, dregur úr verkjum, bætir líkamsstöðu, auðveldar djúpslökun og færir vellíðan.

Betri öndun eykur súrefnis-og blóðflæði og bætir þannig heilsuna og svefninn. Öndunin er leiðarljósið í jóga og með meðvitaðari öndun tengjum við huga og líkama, vitundina við æðri vitund og opnum glufu fyrir sálina.

“Ég eignaðast mitt fyrsta barn í byrjun júní og átti yndislega fæðingu sem ég þakka fyrst og fremst meðgöngujóganu sem ég stundaði frá 18. viku. Haföndunin virkaði mjög vel fyrir mig en held það hafi samt verið hugarfarið sem gerði gæfumuninn. Var ótrúega afslöppuð og fannst ég alltaf hafa fullkomna stjórn á aðstæðunum án þess samt að reyna að stýra neinu. Alveg dásamlegt! “Marta

FÆÐINGARSÖGUR
Jóga minnir okkur stöðugt á að anda inn í hvert augnablik og umfaðma hvert andartak. Í jóga fyrir barnshafandi leitumst við við að skapa samfélag, spjöllum annað slagið, tökum bumbumyndir og fáum fæðingarsögur.

MYNDIR FRÁ MEÐGÖNGUJÓGA

JÓGA Á MEÐGÖNGU: RANNSÓKN FRÁ HÁSKÓLA ÍSLANDS – „Fjallað er sérstaklega um meðgöngujóganámskeið Auðar Bjarnadóttur í Lótus Jógasetri“ eftir Hildi Ármannsdóttur.

MBL þættir um fæðingar, brjóstagjöf og fleira:
http://www.mbl.is/frettir/sjonvarp/thaettir/born/78153/

 

Ef eitthvað er óljóst hafið samband á:  jogasetrid@jogasetrid.is,  778-1000 (Auður 846 1970)

Archives

Pin It on Pinterest

Share This