Mánud. og fimmtud. kl. 20.15 – 21.15

Birgir er mættur aftur til leiks eftir tveggja mánaða frí. Kennt er til 21.des. en opið í aðra tíma til 30.des. Einnig velkomið að mæta í aðra opna tíma í stundarskrá á meðan á námskeiðinu stendur. Vinsamlegast meldið ykkur í móttöku eða hjá kennara.

Kennari:  Birgir Þorsteinn Jóakimsson

Einn mánuður  13.000 kr.
Tveir mánuðir 22.000

SKRÁNING

Karlajóga fór á flug með Birgi  haustið 2015 og nú er kominn sterkur kjarni í karlajóga. Jóga er komið til að vera og æ fleiri karlar þiggja þessi frábæru fræði og jógaiðkun til líkamlegrar og andlegrar vellíðunar!


Jóga fyrir karla – líka stirða og stressaða! 
Ein algengasta athugasemdin sem jógakennarar fá þegar þeir fara að dásama jógaiðkun er: “Jóga er nú ekki málið fyrir mig, ég er nefnilega svo rosalega stirður”. Einnig halda sumir að stressaðir einstaklingar eigi ekkert erindi í jóga. Jógaiðkun sé aðeins fyrir sallarólega einstaklinga sem eru með allt sitt á hreinu. Sú er auðvitað alls ekki raunin. Stirðir og stressaðir einstaklingar eru einmitt þeir sem hafa einna mest gagn af því að stunda jóga. Málið er bara að byrja rólega og hlusta vel á líkamann.

Fyrir alla karla og byrjendur velkomnir. Farið verður rólega af stað en smám saman verða æfingarnar aðeins meira krefjandi. Allir tímarnir enda síðan á góðri slökun. Við vonumst svo til að þátttakendur á námskeiðinu haldi áfram iðkun eftir að námskeiðinu lýkur og að jógaiðkun verði áfram ómissandi hluti af lífinu.

SKRÁNING

 

“I am a man of infinity, in pursuit of my destiny”