Kundalini kennaranám 2018

Næsta Kennaranám Í Kundalini jóga í Jógasetrinu hefst 30. ágúst 2018 og verður til vors 2019. Nánari dagsetningar eru í vinnslu.  Við mælum með að fólk stundi kundalini jóga eins vel og aðstæður leyfa, helst í eitt ár fyrir námið.

Til landsins koma reyndir kennarar sem hafa stundað og kennt jóga í áratugi. Kennt verður í 3-4 daga í senn, allan daginn á ca. 5-6 vikna fresti. 

If you want to learn something, read it.
If you want to know something, write it.
If you want to MASTER something,
TEACH IT!
-Yogi Bhajan

Vertu meistari lífs þíns og vektu upp möguleika þína með því að nota vísindi Kundalini Jóga. Þetta kennaranám er fyrir alla, hvort sem þú vilt verða löggiltur kennari eða dýpka persónulega reynslu þína af Jóga. Námið veitir þér góðan grunn fyrir árangursríka  jógaástundun. Viðurkenndt nám sem gefur þér tæki og tól og alhliða þjálfun þar sem þú lærir bæði kenningar og tækni Kundalini Jóga. Þú munt öðlast þekkingu og sjálfstraust til að hafa áhrif á þitt líf og umhverfi þitt.

UM NÁMIÐ:
Kennaranámið felur í sér aðild að “3HO International Kundalini Yoga Teachers  Association” (IKYTA og uppfyllir einnig staðla um 220 klst jógakennara réttindi gefin út af Yoga Alliance, sem er alþjóðlegt bandalag ólíkra Jóga-samtaka.

Kennsluefni í fyrsta stigs kennaranámi í Kundalini Jóga:

  • Uppruni Jóga
  • Kundalini-leiðin
  • Jógískur lífsstíll (mataræði og daglegt líf/lífsreglur)
  • Patanjali (andleg heimspeki)
  • Orkustöðvar (chakras)
  • Asana og Kriya (jógastöður og æfingasett)
  • Möntrur
  • Pranayama (öndunaræfingar)
  • Bandha (lokur)
  • Hugleiðsla
  • Djúp slökun og sjálfsskilningur – vald yfir eigin sjálfi – sjálfsþekking
  • Humanology/mannspeki (samskipti og kynferði)
  • Sálin: Fæðing
    • Karma (lögmál orsaka og afleiðinga),
    • Dharma (æðri tilgangur/okkar æðri leið).
  • Að deyja og dauðinn
  • Vestræn líffærafræði og jógastöður
  • Líkamarnir 10
  • Shabd Guru
  • 5 stig visku
  • Hlutverk og ábyrgð kennarans

Réttur KRI kennarateymisins til að veita KRI viðurkenningu byggir á mati þeirra á hæfni hvers þátttakanda til að verða Kundalini yoga kennari. Matið byggist á því að uppfylla eftirfarandi:

  • Full greiðsla allra gjalda
  • Skyldumæting í allar 180 kennslustundir auk 40 klst. heimavinnu
  • Fullnægjandi útkoma í kennsluþjálfun
  • Lágmarkseinkunn á skriflegu prófi KRI (eða heimaverkefni)
  • Aðild að IKYTA (innifalið í kennslugjaldi).
  • Mæting í 20 Kundalini Jóga tíma (á meðan eða eftir kennaraþjálfunina)
  • Að ljúka við úthlutaðri 40 daga jóga kriyu/hugleiðslu
  • Mæting í að minnsta kosti 5 morgun sadhana
  • Þátttaka í eins dags “White Tantric Yoga” námskeiði

Kundalini jóga eftir forskrift Yogi Bhajan, er kröftugt jóga sem vinnur að því að byggja upp styrk og orku, örva innkirtlakerfið og koma jafnvægi á allar orkustöðvarnar. Við finnum að streitan minnkar en viljastyrkur og lífsgleði eflast. Kundalini jóga er mjög markvisst jógakerfi með eflandi jóga- og öndunaræfingum, hugleiðslu, möntrum og slökun. Unnið er að því að því að lyfta orkunni upp, bæta jafnvægi milli heilahvela og víkka út vitund okkar. Kundalini jóga hentar bæði byrjendum og jógaiðkendum sem hafa reynslu af öðrum tegundum jóga. Markvisst, fjölbreytilegt og umbreytandi!

“Jógavegferð mín hófst í meðgöngujóga í Jógasetrinu hjá Auði þar sem ég fann fyrir einhverju algjörlega nýju, það færðist yfir mig ró og vissa um að allt er eins og það á að vera og sú tilfinning styrktist með hverjum tíma.

Ég hélt svo áfram að stunda jóga í Jógasetrinu, kynntist Kundalini jóga og endaði í kennaranámi. Ég hef áður stundað jóga og vitað hvaða áhrif það á að hafa, en í Kundalini fann ég það raunverulega: ég fann fyrir algerri umbreytingu, sem fólst í sátt, hamingju og trausti. Mér líður eins og ég hafi núna kjarkinn til að vera ég sjálf og með opið hjartað. Lífið hættir ekki að vera allskonar, en það sem breyttist er að ég hef margskonar leiðir og verkfæri til að takast á við verkefnin, af  kyrrð og kærleika. 

Ég mæli með kennaranáminu af öllu hjarta og það nýtist svo sannarlega inn í allt lífið.” Gígja Bjargardóttir

“Auður er hlý og elskuleg manneskja sem vill öllum vel og það skín í gegn þegar að hún kennir og skipuleggur jógakennaranámskeið fyrir nemendur sína. Skipulag námskeiðsins var mjög gott, það var hæfilega langt á milli lota og hver dagur nákvæmlega skipulagður m.t.t. kennslu og einnig pásur fyrir morgun- og hádegisverð.

Valið á kennurum var til fyrirmyndar, þeir höfðu allir stundað Kundalini jóga í áratugi og voru vel að sér. Efni námskeiðsins er umfangsmikið en kennararnir náðu að koma því vel frá sér á áhugaverðan og skemmtilegan hátt. Ýmsar leiðir til að greiða fyrir kúrsinn voru í boði þannig að allir finna væntanlega leið fyrir sig. Í lotunum er Auður sjálf alltaf til staðar, óþreytandi að svara spurningum með bros á vör og þess á milli miðlar hún upplýsingum frá kennurunum og öðru áhugaverðu efni með tölvupóstum eða á FB.

Mínar væntingar til kúrsins voru að finna frið í sálinni og auka liðleika líkamans en ég fékk svo miklu meira en það. Námskeiðið dýpkaði skilning minn á Kundalini jógafræðunum og þar með opnuðust dyr inn í splunkunýjan heim sem mér er í sjálfsvald sett að kanna eða ekki. Fyrir utan það hef ég kynnst fullt af dásamlegu fólki og veit nú að það er stór jógafjölskylda á Íslandi sem ég hafði ekki hugmynd um að væri til.  

Ráðlegging til þeirra sem eru að byrja á námskeiðinu: Byrjið að lesa bókina strax og hugsa um efnið, það er gagnlegt að svara spurningum á heimaprófinu jafnt og þétt eftir því sem kennararnir fara yfir það, dagarnir í lotunum eru langir og strangir og því er gott að undirbúa fjölskylduna vel fyrir fjarveru og eins að maður verður alveg úrvinda. Námskeiðið er strembið en ákaflega gefandi og mannbætandi, ég mæli með því af öllu hjarta.” Inga Reynisdóttir

” Samband mitt við þessa kennslu er kærleikurinn einn. Þessar kennsla opnaði hug minn, opnaði öll augun mín. Ég sá á ný. Þessi kennsla hjálpaði sál minni að fljúga úr fangelsi hugans. Öll þau ár sem hún var týnd og var ekki að ástæðulausu. Sál mín vissi alltaf að hún myndi finnast, svífa og dreifa sínu ljósi. Ég sá það í draumum sem voru ekki draumar. Fyrir þessa kennslu verður sál mín eilíflega þakklát á hverjum degi, í hverri vídd, í hverju skrefi sem ég geng á þessum sálarvegi, hvar sem ég er, hvar sem ég var og hvar sem ég verð. Með því að deila þessum fræðum með öðrum sálum meðvituð um vakninguna sem getur átt sér stað og sem átti sér stað hjá mér. Að hjálpa, lyfta og leiðbeina öðrum í þá átt er það sem ég vil gera. Ég dreifi ást skilyrðislaust svo ástin muni finnast, ég dreifi frið skilyrðislaust svo friður muni finnast, ég dreifi ljósi því ljósið er, verður og alltaf var innra með mér og öllum. Þetta er það sem mín sál vil gera og ég finn það á hverjum degi.” Ragnhildur

Nánar um Kundalini jóga

Fyrir nánari upplýsingar: jogasetrid@jogasetrid.is

MYNDIR ÚR KENNARANÁMINU