Jóga fyrir 60 plús hefst 28.ágúst

Jóga fyrir 60 plús hefst 28.ágúst

 

Aldrei of seint að byrja að stunda jóga – Allt á þínum forsendum!

NÆSTA NÁMSKEIÐ hefst þriðjudaginn  28. ágúst kl. 13.30
28. ágúst – 18. október 
Þriðjudaga og fimmtudaga kl. 13.30-14.30
Verð 21.000 kr. ( 8 vikur )

MEÐMÆLI:
Ég hef verið í jóga áður, nokkrum sinnum, en aldrei haft eins gaman og mikið gagn eins og af þessu námskeiði. Öll umgjörð persónuleg og hlýleg, bæði kennslan og öll samskipti við starfsfólk. Það hentar mér fullkomlega. Hlakka til að byrja í haust. Bkv. Sigrún Björnsdóttir

Verið velkomin að prófa – takið vini með!
Kennari: Thelma Björk Jónsdóttir 

Nærandi jógatímar á stólum og gólfi þar sem boðið er upp á rólegar æfingar eftir getu hvers og eins. Áhersla er á öndun, teygjur, styrk, liðleik, hugleiðslu og slökun.

Öndunaræfingar hjálpa okkur að dýpka andardráttinn og kyrra hugann.
Jógaæfingarnar draga úr stirðleika líkamans og auka teygjanleika og mýkt.
Hugleiðslan hjálpar við að hægja á hugsanaflóðinu og njóta hvers andartaks betur.
Léttar æfingar bæði á stól og á gólfi sem auka teygjanleika og mýkt, bæta jafnvægi og stöðugleika.
Í lok hvers tíma er góð slökun sem gefur góða hvíld og nærir huga, hjarta og líkama. Velkomið að koma og prófa. Ef þú vilt koma oftar en einu sinni í viku, þá endilega spjallaðu við okkur um fleiri möguleika. Sjá Stundarskrá.

Vertu velkomin til okkar í hlýlega Jógasetrið í Skipholt 50c

SKRÁNING HÉR
Þú getur líka sent okkur email á jogasetrid@jogasetrid.is eða skráð þig hjá okkur þegar þú kemur í Skipholti 50c, (
sama hús og Pitan og Sveinsbakarí)

“Við verðum ekki eldri með árunum, en nýrri með hverjum deginum”

Pabbajóga

Pabbajóga

LEIKUR – SAMVERA – GLEÐI

Við vorum með fyrsta pabbajóga námskeiðið í vor. Nú viljum við gjarnana heyra af áhugasömum og safna í hóp fyrir haustið. Endilega sendið okkur línu ef áhugi er fyrir hendi. Og gjarnan hvaða tími hentar best feðrum í fæðingarorlofi. Allar hugmyndir vel þegnar á jogasetrid@jogasetrid.is

Pabbi mætir með barnið frá 4-10 mánaða og við gerum jóga saman og ýmsar æfingar til styrkingar og tengsla. Allt í gleði og leik.

PABBAJÓGA er námskeið þar sem feður og börn stunda mjúka og styrkjandi en jafnframt skemmtilega og nærandi hreyfingu saman. Teygjur, liðleiki og slökun, en börnin fá sannarlega sína athygli líka með því að taka þátt í leikandi æfingum. Pabbajóga er frábært tækifæri til að hitta aðra feður og börnin önnur börn.

Karlajóga

Karlajóga

Mánud. og fimmtud. kl. 20.15 – 21.15

Karlajóga er komið í sumarfrí en byrjar aftur í byrjun september. ALLIR KARLAR eru þó velkomnir í sumar í opna stundaskrá!

Velkomið að mæta líka í aðra opna tíma í stundarskrá. Vinsamlegast mekdið ykkur í móttöku eða hjá kennara.

Kennari:  Birgir Þorsteinn Jóakimsson

Karlajóga fór á flug með Birgi  haustið 2015 og nú er kominn sterkur kjarni í karlajóga. Jóga er komið til að vera og æ fleiri karlar þiggja þessi frábæru fræði og jógaiðkun til líkamlegrar og andlegrar vellíðunar!

Jóga fyrir karla – líka stirða og stressaða! Ein algengasta athugasemdin sem jógakennarar fá þegar þeir fara að dásama jógaiðkun er: “Jóga er nú ekki málið fyrir mig, ég er nefnilega svo rosalega stirður”. Einnig halda sumir að stressaðir einstaklingar eigi ekkert erindi í jóga. Jógaiðkun sé aðeins fyrir sallarólega einstaklinga sem eru með allt sitt á hreinu. Sú er auðvitað alls ekki raunin. Stirðir og stressaðir einstaklingar eru einmitt þeir sem hafa einna mest gagn af því að stunda jóga. Málið er bara að byrja rólega og hlusta vel á líkamann.

Námskeiðið er hugsað fyrir þá sem eru með engan eða lítinn grunn í jóga. En allir karlar auðvitað velkomnir. Farið verður rólega af stað en smám saman verða æfingarnar aðeins meira krefjandi. Allir tímarnir enda síðan á góðri slökun. Við vonumst svo til að þátttakendur á námskeiðinu haldi áfram iðkun eftir að námskeiðinu lýkur og að jógaiðkun verði áfram ómissandi hluti af lífinu.

“I am a man of infinity, in pursuit of my destiny”

KRAKKAJÓGA DVD með Auði,

KRAKKAJÓGA DVD með Auði,

Tilvalið heimajóga fyrir börnin, en líka til að skapa fjölskyldustemmningu saman. Diskurinn fæst hjá okkur í Jógasetrinu, klukkutíma efni með skemmtilegum æfingum – hugleiðslum og slökun.

Pin It on Pinterest